Tesalah Tarik

Sudah jadi kebiasaan, saban malam pengantiantahun baru pasti urang di kota Amat Lamak (ni lain ngaran bujur lah) bediam, sibuk mencari hiburan. Melihat nang kaya itu , Amat jua handak meumpati.Alasannya kada papa keluar sampai subuh, soalnya setahun sekali jua.
Tapi lain nang kaya kekawalannya nang banyak betulakan ke diskotek.Amat malah mencari hiburan kepinggir sungai, nang jadi wadah bekumpul urang gasan main kembang api. Amat kada saurangan.Inya tulak lawan bininya,Diyang.Pas Amat wan Diyang sampai,dilihatinya manusia sudah bekajal di situ.
Semunyaan mata keatas melihat kembang api nang haratan dimainkan.Supaya jangan tepisah,behimat ai Amat meingkuti tangan Diyang.
"Beh dasar bagus banar sekalinnya pesta kembang apinya" Amat besuara saurangan. Sambil mata ke atas tarus Amat menarik tangan Diyang. Tapi pas lagi asik-asiknya, Amat merasa pipinya ada nang menempeleng. Bingung ai Amat, pas dilihatnya bujur-bujur nang menempelengnya bebini nang ditariknya.
Begaran kadap, Amat kada jelas melihat muha bebini itu. Setahu Amat bebini nang ditariknya Diyang. Pas dilihatinya sekalinya lain Aluh nang diingkuti Amat.
"Ai mana bini unda. Salah tarik kah unda ni," sambat Amat pas tahu lain Diyang nang ditariknya.
"Makanya mun menarik urang tu belihat jua pang. Nang kaya urang kelanjian haja lagi," jar bebini dihigannya menyariki Amat.
Sambil menahani supan, Amat kada tahu-tahu bejalan bejauh.
mehalabiu story
By.Bujur-Bujur Sapos Selengkapnya...